كشفت الفنانة راندا البحيري عن السبب وراء اختفائها عن الساحة الفنية، وذلك من خلال لقاء لها ببرنامج قعدة ستات، المذاع عبر شاشة تلفزيون قناة القاهرة اليوم، وتقدمه المذيعة مروة صبري.

سبب اختفاء راندا البحيري عن الساحة الفنية

وقالت راندا البحيري في تصريحاتها التي يرصدها موقع تحيا مصر: الموضوع دا لما ابتدى عقلي كان رافض فكرة أن حد ممكن يعمل كدا، ساعات تسمعي عن ناس أشرار فتقولي لا لا مش ممكن يكونوا بيعملوا كدا وأنا كان دا اللي حاصلي بالظبط لحد ما سمعت بودني وشوفت بعنيا.

وتابعت: ساعات ببقى جوا الشغلانة ويجوا يقولولي بصي حصل ايه، كنت بسمع حد بيقول مشوا راندا هو مفيش غيرها وحتى اللي قدامه شايف أنه مش هينفع يغيرني أو أنا أكتر حد يستاهل الدور دماغه بتلعب بردو وبيدوس وراح قعد في شركة إنتاج 3 أيام لغاية ما مشيت من المسلسل.

بلوجر تهاجم راندا البحيري

وسبق وأن كشفت الفنانة راندا البحيري عن تعرضها للهجوم من قبل بلوجر، وذلك من خلال منشور عبر حسابها الشخصي على موقع التواصل الاجتماعي فيسبوك.

وكتبت راندا البحيري: دي واحدة كانت طالبة مساعدة وأما مخدتش بالي من رسايل الother دخلت تشتمني عادي جدا ومستبيحه الموضوع وفاكرة أننا ناس مبنحسش، وفاكرة كده أني لو اتكلمت عنها هبقى بشهرها.. هي في الرسالة الأولى كانت عايزة تتشهر وعايزاني ادعمها واتكلم عنها، معرفش ليه مع أني معرفتهاش تماما ولا عمري سمعت عنها بس عموما اديني اتكلمت عنك أهو.

أخر أعمال راندا البحيري في السينما

ومن الجدير بالذكر أن أخر أعمال راندا البحيري في السينما فيلم دولارات دولارات، والذي يشارك في بطولته عدد كبير من النجوم والنجمات، منهم: نضال الشافعي، منة فضالي، صلاح عبدالله، هالة فاخر، محمود حافظ، ميدو عادل، مدحت تيخة، ابرام سمير،  راندا البحيرى، امينة، ياسر على ماهر، لوشا، طاهر ابو ليلة، حسن عبدالفتاح، علاء مرسى، صبرى عبد المنعم والمطرب محمد السالم، انتاج ارت ميوزك، مدحت سعد، تأليف طارق رمضان، مدير تصوير وائل يوسف، مهندس ديكور، اسامة الشناوى، استايليست ايمن بخيت، منتج فنى رأفت حسن يوسف، مونتير مينا فهيم.