تحدثت الفنانة دينا الشربيني عن قصة حبها الجديدة وذلك خلال حلولها ضيفة على برنامج كلمة أخيرة والذي تقدمه الإعلامية لميس الحديدي على قناة أون، مشيرة إلى معرفة والدها قبل وفاته بهذا الأمر.

دينا الشربيني تكشف هوية حبيبها 

وقالت دينا الشربيني في تصريحات رصدها موقع تحيا مصر كاشفة عن هوية حبيبها: اسمه حسين ومصري وملهوش علاقة خالص بالوسط هو بيزنس مان، وبينا أصدقاء كتير اوي ونعرف بعض بس مكنش لينا علاقة ببعض جامد وبنتقابل وسط أصحابنا لحد ما ارتبطنا.

وتابعت حديثها عن حبيبها الجديد، قائلة: هو محترم جدا وبيراعي ربنا وعنده حتة دينية مش بتبان اوي، وجدع ولذيذ، عايز يعملي كل حاجة بس مش عايز يبان في الصورة، وأنا مش بشوفه كتير، وهو أبعد ما يكون عن الأضواء.

دينا الشربيني تكشف عن قصة حبها 

وعن لحظة الاعتراف بالحب، قالت دينا الشربيني: احنا الاتنين اعترفنا لبعض بحبنا وبابايا حبه أوي وكان موافق عليه واتبسطت أنه شافه عشان يفهم الراجل ده كان عامل ازاي.

وتابعت دينا الشربيني حديثها عن المواصفات التي تتمناها في الرجل، قائلة: بيجذبني في الراجل حنيته وأنه بيتقي ربنا في أهله فهيتقي ربنا فيكي، انا الناس الكويسة مع اهلها بحطها فوق راسي بجد.

وعن الصفات التي ترفضها نهائيا في الرجل، قالت دينا الشربيني: ما أقدرش أعيش مع حد بخيل لأن بحسه بخيل في المشاعر والخيانة، مقدرش اتحملها نهائي اصلا الفكر بالنسبالي مش مفهوم بحسه تقليل وبيهز حاجة جوة الست وانا زمان اتعرضت للخيانة هو فيه بنت متعرضتش لده؟.

دينا الشربيني: مش بتابع الشائعات 

وعن الشائعات التي تعرضت لها دينا الشربيني بشأن هوية حبيبها، قالت الفنانة: مش بتايع الشائعات  ودائما بدخل اشوفها بعد مالحكاية تخلص لأني فيه فريق عمل ماسك السوشيال ميديا بتاعي  ماعنديش باسورد   بتاع فيس بوك  ولا تويتر فيه حد ماسكهم  وأنا بحب فقط إنستجرام وتيك توك.

وكان قد توقع الجمهور ارتباط دينا الشربيني بالاعلامي أنس بوخش بعد إعلان دخولها في قصة حب جديدة دون الكشف عن اي تفاصيل خاصة بهوية العريس دون رد من الثنائى حول تلك الشائعة.