تحدث الفنان محمد التاجي عن رفض شركة الإنتاج لمشاركته في مسلسل العتاولة والذي خاض به الموسم الدرامي الرمضاني 2024، مشيرا إلى أنهم رأوه رجل محترم وذو وقار ولا يليق بالمشاركة في هذا الدور، لكن أصر عليه المخرج وراهن عليه وقد كسب الرهان.

محمد التاجي: شركة الانتاج رفضت مشاركتي في العتاولة 

وقال محمد التاجي خلال ندوة تكريمه في موقع تحيا مصر: شركة الانتاج كانت رافضة أن أعمل دوري في مسلسل العتاولة وكانو بيقول محمد التاجي محترم هتجبوه ازاي يعمل راحل هزء كدة احنا بنحبه كدة، وكمان فيه عشرة بين وبين استاذ صادق المنتج وفي الاخر رضخوا لوجهة نظر المخرج، وأنا آخر واحد مضيت في المسلسل وهما مش مقتنعين.

وتابع حديثه، قائلا: صورت أول مشهد وبعتوهلهم في بيروت، قالوا ونعم الهزء ووافقوا، وقالوا احنا كنا خايفين فقولنا نشوف أول مشهد لو متعملش حلو هنعتذرلك، ولكن الحمدلله عملته بشكل كويس وده لأن الواحد بيبقى جواه 24 حاسة إنسانية الشر والخير والدلوع وكله، ودي حاجة عمري ما طلعتها فمصدقت أفرغ اللي جوايا في التمثيل بدل ما أعمله في الحقيقة.

محمد التاجي: طلعت موجة في فترة أن فيه ستات مهمتهم يشتموا الرجالة 

حصلت موجة في فترة معينة أنه في ستات قاعدين كل مهمتهم الشتيمة في الراجل، هو ليه الست بتدخل المكان الأول عشان أنا اللي ابقى في ضهرها حاميها وأدافع عنها، مينفعش الراجل والست يطلعوا يتكلموا ويحكوا عن مشاكلهم على السوشيال ميديا انتوا اخترتوا بعض وبقى فيه مسؤولية يبقى لازم تتحملوا المسؤولية دي.

محمد التاجي: ياسمين عز طالعة تعمل تريند وقولت لمراتي تقعد في البيت 

وعن رأيه في ياسمين عز، قال محمد التاجي: دي ست طالعة تكسب تريند وتعمل مشاهدات، واخدة القضية من الناحية التانية والرجالة بتتريق عليها  مفيش راجل بيقعد الست تغسله رجليه وتقوله يا سيي السيد، مع أن ستي كانت بتقول لجدي يا استاذ بس دي تقاليد من 50 أو 60 سنة.

وتابع محمد التاجي حديثه، قائلا: سيبو الحياة طبيعية، انا راجل صعيدي ومقبلش أن ست تصرف عليا من جيبها وعشان كدة مراتي قعدتها في بيتها قولتلها ولادك وبيتك أهم  لأن رسالتك في تنشئة أجيال أعظم بكتير من رسالتك في انك تشتغلي.