تفاصيل مثيرة كشفتها أقوال المتضررين في التحقيقات من حريق استديو الأهرام، أثناء تصوير مسلسل المعلم بطولة مصطفى شعبان في شهر رمضان الماضي، والتي حصلت اقرا على نسخة منها.
قالت السيدة "زينب محمد" 41 سنة ربة منزل في تحقيقات النيابة العامة عند سؤالها عن سبب الحضور وتحرير بلاغ؟: أنا جايه عشان أبلغ إن شقتي اتحرقت في الحريقة بتاعت الاستديو".
واضافت:" اللى حصل اني كنت نايمة في الشقة انا واختي وكان اتنين من اولاد اختي نايمين وابنها الثالث كان سهران مع ابني في غرفة المعيشة ولقيناهم بيصحونا حوالي الساعة ٢ بالليل وهما مرعوبين وبيقلولنا اصحوا بسرعة الاستديو بيولع وأول ما صحينا لقينا الدنيا لونها برتقالي من ورا الشيش من كتر النار".
وتابعت:"روحنا صحينا ولاد اختي واخدناهم كلهم ونزلنا جرينا علي تحت ولقينا النار عمالة بتزيد وتقرب مننا وفضلنا نجري لحد ما وصلنا لشارع، وروحت كلمت الإسعاف بسرعة قالولي انهم جايين في الطريق هما والمطافي وروحنا ودينا الأولاد في مكان امان وروحنا رجعنا علي البيت حوالي الساعة ستة ونص الصبح لقينا بتوع المطافى لسه في البيت ولقينا البيت كله اتحرق وهو ده اللي حصل".
-إعلانات-
س: متى وأين حدث ذلك ؟
الكلام ده حصل يوم ٢٠٢٤/٣/١٦ الساعة ٢:٠٠ ص في استوديو الأهرام في شارع خاتم المرسلين العمرانية.
ما هي مواصفات الشقة خاصتك؟
شقه حوالي 100 متر صافي مقسمة الى ثلاثة غرف وسفرة وصالون وانتريه و۲ حمام ومطبخ
س: وما سبب إشعال النيران بالشقة خاصتك ؟
الاستديو لما ولع النار مسكت في العمارة بتاعتنا وشققنا كلها اتحرقت.
س: وهل امتدت تلك النيران لثمه عقارات مجاورة أو طوابق بذات العقار ؟
ايوه العمارة بتاعتنا كلها اتحرقت وأكثر من 6 عماير تانيين
س: وهل نجم من جراء ذلك الحريق ثمة إصابات بأحد؟
ايوه ابني ياسين طارق في شظية كنت في ظهره
س وهل نجم عن ذلك الحريق ثمه تلفيات بالمكان ؟
هي الشقه كلها ولعت تقريبا ومحتويات الشقة عبارة عن ثلاثة تكييفات وديب فريزر وغسالة الهدوم وثلاجة وبوتجاز خمسة شعلة و۲ سخان و۲ تلفزیون و۲ تليفون لاسلكي وكمبيوتر و۲ مكنسة و۳ نجف نحاس واخد میه دهب وایباد و۲موبايل والسفرة خشب زان بالنيش والصالون مدهب و۲ انتريه واحد برة وواحد في غرفة المعيشة و۲ كرسي فوتيه وجزامة بمراية وغرفة نوم خشب ارو وغرفة نوم أطفال كبيرة خشب ارو و۳ مراوح سقف ومروحة بوكس وسجاد كتير حوالي ۱۲ سجادة وعلبة مسوغات ذهبية حوالي خمس سلاسل و۱۲ دلاية وخمسة خواتم واتنين اسورة ومحبس ودبلة وسبيكة ذهب وزن أربعة جرام.
15 ألف جنيه مصري وخشب المطبخ وأجهزة المطبخ اليدوية والصيني والحلل كله و۲ شفاط في الحمامات وشفاط كهرباء في المطبخ وملابسنا كلها واوراقنا الشنط كلها الباسبورات بتاعتي انا وولادي وبتاعت اختي ( فاطمة وأولادها وبطاقات الهوية بتاعت الامارات بتاعتهم والبطاقات الشخصية المصرية بتاعتي انا وولادي وشهادات الميلاد والوفاة وقسايم الجواز وأوراقنا كلها وعقد الشقة وعقود الكهرباء والمياه والغاز والتليفون.
س - وبكم تقدر قيمة تلك التلفيات ؟
ثمنها حوالى ( 1500000) مليون ونصف المليون جنيه مصري تقريبًا.
س - وملك من ذلك المسكن والمنقولات ؟
ج - المنقولات كلها بتاعتنا وانا مقيمة في الشقة قاعدين فيها ايجار قديم من أربعة وعشرين سنة.
تفاصيل التحقيق في حريق استديو الاهرام
وكشفت التحقيقات في حادث حريق ستوديو الأهرام، أن تقرير من اللجنة المشكلة من قطاع الحماية المدنية، وضح مدى توافر الاشتراطات الخاصة بالوقاية من مخاطر الحريق قبل نشوبه وخضوعها للصيانة الدورية، تضمن تحرير الحماية المدنية محاضر مخالفات العام الماضي لاستوديو الاهرام بعدم اتباع اشتراطات الأمن الصناعي، فاستعلمت النيابة من الحماية المدنية عن هوية الموظف المختص بتطبيق اشتراطات الأمن الصناعي لاستدعائه وسماع اقواله.
كما استعرضت النيابة تقارير اللجنة الزراعية المشكلة من مديرية الزراعة بمحافظة الجيزة بقرار من النيابة العامة، وأفادت المصادر أن اللجنة الزراعية أودعت تقريرها تنفيذا لتكليف النيابة العامة بمعاينة النخيل والأشجار المحترقة بمحل الواقعة، وبيان ما أصابها من ضرر، وما إذا كان وجودها يشكل خطورة على الأرواح والأموال من عدمه، وأفاد التقرير ان عدد من الأشجار والنخيل اصابها التلف التام ووجودها يمثل خطورة على المارة والعقارات المجاورة لذلك قررت النيابة اتخاذ الاجراءات اللازمة والاستعانة بالجهات المختصة لإزالة الأشجار التي تسبب خطورة.
ونقدم لكم من خلال موقع (اقرا)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
0 تعليق