الجمعة 17/مايو/2024 - 04:03 ص

خلال الأيام الماضية، تعرض عدد كبير من البلوجر لهجوم شديد من مسخدمي مواقع التواصل الاجتماعي، وذلك بسبب تعاونهم مع شركات المقاطعة الداعمة لإسرائيل، وكان آخرهم مذيعة قناة الأهلي هند مدحت، لكن  المذيع معاذ ياسين كشف حقيقة  ارتباط البلوجر والانفلونسر بعقود مع شركات داعمة لإسرائيل.

حقيقة ارتباط البلوجر والانفلونسر بعقود مع شركات الداعمة لإسرائيل

وفي فيديو ظهر فيه المذيع معاذ ياسين، كشف فيه حقيقة ارتباط البلوجر والانفلونسر بعقود مع الشركات الداعمة لإسرائيل قائلًا: في الأيام الأخيرة طلع الكتير من البلوجر والانفلونسر اللي بيظهرو في إعلانات خاصة بشركات داعمة لإسرائيل، وبيبقا دفاعهم عن نفسهم دايما احنا بنكون ماضيين عقود، ومش هينفع نفسخها.

وتابع المذيع معاذ ياسين: البلوجر والانفلونسر مش بيكونوا مرتبطين بعقود مع شركات والمعلنين، كل الموضوع أن براند المقاطعة بيكلم البلوجر عشان إعلان معين، وبعدها يتواصل البلوجر مع شركة في المقابل المالي، وبعدها يتم تصوير الإعلان، واقسم بالله ده اللي بيحصل، ومفيش حد بيمضي عقود، ولو كان فيه عقود، بيكون فيه حفظ لحقوق الطرفين لا أكثر، لكن ما فيش أي شرط جزائي بيمضي عليه البلوجر.

وأكمل معاذ ياسين: أنا معنديش مشكلة مع البلوجر في تعاونه مع شركات المقاطعة لعمل إعلانات، لكن مينفعش البلوجر يعيش دور الضحية، ويبرر موقفه، وأنا من رأيي أنهم ميتكلموش في الموضوع ده، وفيه ناس مش عارفة عنهم حاجة بدافع عنهم، وموضوع الشرط الجزائي ده بيكون موجود في حالة ارتباط الشخص مع شركة لسنين، وده مش بيحصل مع أي حد موجود على السوشيال ميديا، ومينفعش يعيش دور الضحية على قفا الناس مقابل الفلوس بس.

وخلال الساعات الماضية، تعرضت البلوجرهند مدحت، لموجة من الانتقادات بسبب رفضها فسخ تعاقدها مع بعض الشركات الداعمة لإسرائيل، زاعمه أنها مرتطبة بعقود مع شركات المقاطعة، وستكون مجبرة على دفع شرط جزائي في حالة فسخ العقد.

ورأى مستخدمو مواقع التواصل الاجتماعي، أن مذيعة قناة الأهلي هند مدحت لا تدعم القضية في الأساس، وصورها بجانب معبر رفح وشاحنات المساعدات، ما هي إلا دعاية لا أكثر، لزيادة أرباحها على السوشيال ميديا. 

وهند مدحت فاروق، هي مذيعة وبلوجر، وتمتلك عددا كبيرا من المتابعين عبر حسابها الشخصي بإنستجرام، وهي وجه إعلامي لبراند راش براش.