نشرت منصة العدل جروب ديجيتال مقطع فيديو لـ أبطال مسلسل بـ 100 وش عبر صفحتها الرسمية على موقع تبادل الصور والفيديوهات إنستجرام، وهم يتحدثون عن الفنان الراحل مصطفى درويش.

نجوم مسلسل بـ 100 وش يتحدثون عن مصطفى درويش

وقالت نيللي كريم في تصريحاتها التي يرصدها موقع تحيا مصر: أول مرة أشوفه كان على الفطار وطلبنا فول وطعمية والأكل كان تحفة حلو جدا وقعدنا كلنا كلنا وكان أول مرة فيها أشوف مصطفى.

بينما قال آسر ياسين: الله يرحمه كان جدع جدا وابن بلد جدا حقيقي واحشني جدا، وأقدر اقول عليه أن أنا فقدت صديق عزيز جدا.

إسلام إبراهيم يتحدث عن مصطفى درويش

وقال اسلام ابراهيم: كنت دايما بقول لمصطفى حاجة كنت مستغربها فيه وبحبها فيه في نفس الوقت، عنده طاقة للناس يعني مصطفى مش ممثل أنت بتمثل معاه وبعد كدا خلاص لا، هتلاقيه بيسأل عليك بيكلمك لدرجة أننا بقينا صحاب بعد كدا وفي مواقف كتير حياتية سواء عندي أو عند ناس من العصابة.

بينما قالت دنيا ماهر: أنا كان عندي معاه مشهد لما كنت نائمة في الهنجر وهو بيجي يطردني برا ويقعد يشتمني ويهزقني وبتاع وأنا كنت مرعوبة لأن هو كان كبير وأيده كبيرة فأنا كنت خايفة أن هو لما يضربني يبهدلني فقعدت أقوله والنبي يا مصطفى ويقولي متخافيش وطبعا لما شدني كنت بتسحل تماما ويقعد يصالحني.

أبطال مسلسل 100 وش 

ويشارك في مسلسل 100 وش، نيللى كريم، آسر ياسين، الراحل مصطفى درويش، علا رشدى، إسلام إبراهيم، وحنان يوسف وزينب غريب ودنيا ماهر، والعمل من تأليف عمرو الدالى وأحمد وائل، إخراج كاملة أبو ذكرى.

وتدور أحداث المسلسل في إطار كوميدي حول سكر - نصابة محترفة - يتم النصب عليها من قِبل عمر - نصاب محترف ايضًا - لتدخل في صراعات معه لإعادة أموالها، ثم تقرر الاتحاد معه للقيام بعمليات نصب اكبر.