الثلاثاء 14/مايو/2024 - 06:36 م

خرجت جهاد، زوجة مطرب المهرجانات عصام صاصا للدفاع عنه مجددا، وذلك من خلال نشر ستوري عبر حسابها الشخصي على موقع تبادل الصور والفيديوهات إنستجرام، إذ قالت في الفيديو: أي كلمة أنا هقولها مش هتنفعكم بحاجة، ولا هتشيل عنكم.

زوجة عصام صاصا تدافع عن مطرب المهرجانات

وأضافت زوجة عصام صاصا: عارفة أنكم مش فاهمين ومش مدركين حاجة زي كدا الله يكون في عونكم، وربنا يصبركم، بس أنا ليا حق أطلع أتكلم في حاجة أنا واثقة منها جدا، وكان نفسي عصام هو اللي يطلع يتكلم بس والله من وقت الحادث محدش قادر يتكلم ولا نعمل لقاءات، ومش عارفة اللي بيعمل لقاءات ده بيجيب الطاقة منين.

وأضافت زوجة عصام صاصا: عصام خلص شغله واتحرك على الدائري وأنا كنت وراه في عربية تانية، وكنا رايحين عشان نظبط موضوع عقيقة ابننا رحيم، وعصام لمح تيشرت وفجأة لقى زجاج بيطير على طول، وهو ركن ونزل ومشيش.

وتابعت زوجة عصام صاصا: عصام خبط الراجل، والعربية كانت ماشية في طريقها عادي والراجل اتحدف من ناحية الشمال، ودي نقطة كان نفسي يطلع يوضحها بس هو مش قادر.

واستنكرت زوجة عصام صاصا، من تصرف أسرة المتوفى، حيث قالت: مش عارف أسرة المتوفى قادرة تطلع تتكلم إزاي والناس بتضحك عليهم وبيقولولهم هجبلكم إعدام، إعدام على ايه؟ دي حادثة، يعني قضاء وقدر.

محامي ضحية عصام صاصا.. سنطالب بالدية الشرعية

في سياق آخر، تحدث علي فايز، محامي ضحية عصام صاصا، في تصريحات خاص لـ القاهرة 24، عن رفعه دعوى قضائية بـ 5 ملايين جنيه كـ حق مدني، قائلا: عصام بيتساوم بملايين وهذا يعتبر اتهام صريح لأهلية المجني عليه، ومرفوض لأن الادعاء المدني حق كفله القانون وليس مساومة لأحد.

كما علق على أن تصريحاتها بخصوص وجود شاهد ونشر شات مجهول الهوية على العام مدعية فيه أنه شاهد إثبات أيضا يعرضها للمساءلة القانونية، فإذا كان لديها شاهد عيان لماذا لم تقدمه للنيابة ليدلي بشهادته؟

وأشار علي فايز إلى أنه يحترم القانون وسيتخذ كافة الطرق لحماية موكله، مؤكدا أن مبلغ 5 ملايين هو مبلغ مؤقت، لأن المحكمة ستقدر بعد ذلك الضرر الفعلي والضرر الجسيم والضرر المحتمل، وكافة الأضرار المالية والنفسية والبدنية التي وقعت على المتوفى وذويه.