كشف المطرب مصطفى قمر عن سعادته بمشاركته في حفل «100 سنة غنا» الذي أقيم في دار الأوبرا المصرية.

مصطفى قمر يعرب عن سعادته بالمشاركة في حفل 100 سنة غنا

ونشر قمر صورة له من مشاركته في الحفل عبر حسابه الرسمي بموقع تبادل الصور والفيديوهات القصيرة إنستجرام، و علق عليها في منشور يرصده تحيا مصر قائلًا: ليلة تاريخية في حب الموسيقار العظيم محمد فوزي، بدعوة كريمة من علي الحجار سعدت بها في دار الأوبرا المصرية، وبوجود مفاجأة عظيمة جدًا وهي حضور الدكتور منير محمد فوزي، وغردت فيها الفنانة الكبيرة صاحبة اجمل الأصوات المصرية العظيمة نادية مصطفى، الغالية كل الشكر والتقدير لأخويا وصديقي الفنان الكبير علي الحجار.

مصطفى قمر يرد على انتقادات طارق الشناوي 

من جانبه، رد مصطفى قمر على انتقادات طارق الشناوي له قائلًا: بيقول إن الفيلم لا يمت للسينما.. يا نهار أسود طب والأستاذ علي إدريس المخرج ده يبعمل ايه.. بيبيع كفته؟

وتابع: هو ينقد براحته إنما يقول مصطفى قمر فاشل مينفعش بعد 35 سنة نجاح وأغاني و22 ألبوم و12 فيلم وحفلات جوه مصر وبره مصر، ازاي تسمح لنفسك تقول الكلام ده.

واستطرد: هل أنا عجوز يعني؟ أنا أصغر واحد في جيلي، وبعدين بيقول عليا قديم، أنا اللي قديم طب نحط صورنا جنب بعض مين هيبقى قديم فينا، وهو يقدر يقول كل حاجة هو عايزها بس بصراحة حاجة تضحك.

تصريحات مصطفى قمر 

وأضاف قمر: باين أنه مستقصد العمل وهل هو شاف الفيلم ولا ماشفش الفيلم؟، هو ماشفش الفيلم، وبينقد وهو ماشفش الفيلم، غريبة أوي أول مرة أشوفها في حياتي.

واستكمل: من أيام فيلم الحب الأول وهو بينتقدني واتقابلنا في موقف ما وشكله اتقمص مني، ومن وقتها وهو طول الوقت يتكلم عن مصطفى قمر، ومينفعش هو يتكلم على مصطفى قمر كمطرب وهو مش مطرب، أنا دارس مزيكا وبلحن.

وكان قال طارق الشناوي خلال لقاء له ببرنامج ET بالعربي عن رأيه في فيلم أولاد حريم كريم: من أسوأ الأفلام، علي إدريس مخرج مهم وزينب عزيز كاتبة مهمة، أنما اللي عملوه مش بس ملوش علاقة بالجزء الأول، دا ملوش علاقة بفن السينما اللي احنا بنعيشه دلوقتي، دا تراجع لزمن ما قبل الجزء الأول.

وتابع: ومشكلة مصطفى قمر أنه عايش على الزمن القديم، ولما بتفشل كمطرب مش هتصعدك السينما، ومصطفى في عز فشله كمطرب قرر أنه يعمل فيلم، مع ناس مش مطلوبين أوي في السينما والوحيدة اللي كان ليها اسم ياسمين عبد العزيز عشان كدا هي الوحيدة اللي قالت لا.