نفت الفنانة المصرية بدرية طلبة وجود خلافات تجمعها بالنجمة ياسمين عبد العزيز، حيث توقع الجمهور أن ياسمين عبد العزيز لم تحضر زفاف نجلة بدرية طلبة بسبب مشكلة قائمة بينهما.

ياسمين عبد العزيز تمتنع عن حضور زفاف نجلة بدرية طلبة لهذا السبب 

وأوضحت بدرية طلبة سبب عدم حضور ياسمين عبد العزيز لحفل زفاف نجلتها ويرصده تحيا مصر، حيث قالت في تصريحات يرصدها تحيا مصر: مبتحضرش مناسبات نهائي عمري ما شوفتها في حته.

تصريحات بدرية طلبة 

من جانبه، قالت بدرية طلبة: يعني إيه سينجل ومش سينجل إحنا عايزين نلم الدنيا، ليه الطلاق وكل واحد يروح لحاله وتفرح؟ بنلاقيه على فيسبوك مكتوب إنها متزوجة وفرحانة، وتاني يوم تقول باركولي أنا سينجل، نباركلك على إيه؟ هو خراب البيوت بالساهل؟!.

وتابعت بدرية طلبة: عايزين نلم الدنيا وحالات الطلاق زادت أوي يا جماعة، وبتلاقي نفسك محتاسة في كل شئون حياتك، لكن لو الإنسان اللي في حياتك ميؤوس منه فأنا معاكي إنك تطلقي، أبغض الحلال عند الله الطلاق، لكن لو الحاجة تتصلح صلحيها يا بنتي وخلصي.

وأضافت: كلمة عانس تقيلة أوي، وبرا مصر الكلمة دي عندهم عيب، وأنا بقولهم دي بنهزر عندنا بيها، ولكن هي كلمة مؤلمة نفسيًا.

بدرية طلبة توجه حديثها للإعلامية ياسمين عز 

ووجهت بدرية طلبة حديثها للإعلامية ياسمين عز قائلة: "إيه يا ياسمين إحنا ماشيين بالعلاج، كل واحدة فينا فيها اللى مكفيها، اللى متجوزة ومستنياها تقول يا أستاذمحمد فيها اللي مكفيها، بدل ما تطول فى المد بالألف مفيش وقت الناس بتكح تراب وانتي جاية تقولي لها مدي بالألف، يعني الكلكعة الليفي قلبي منك زادت".

وتابعت حديثها: أنا لو قلت كده هيديني بطبق الملوخية فى وشي، إنتي بتوقعي توقيع غير مشروع وممكن تكوني قاصدة منه خير، بعد ماأقوله يلا يا محمد أقوله محمد بمد الالف واتنحنح شتوي، لا يا ياسمين لا، والله يا ياسمين يوم ما كنت بقوله يا قلبي، أحس إني في إيه، لاوقت للدلع المرق، بصي يا ياسمين إنتي خلتينا فعلا نكلم نفسنا وبعدين اي الصوت الشتوي ده يعني الست تلبس بطانية وهي بتتكلم ولا اي،وحتة الزوجة التانية الرجالة نفسهم مش مقتنعين، دانتي ممكن تروحي تقضي على جوزك يوم الصباحية.