الجمعة 17/مايو/2024 - 03:17 ص

حل الفنان أحمد السقا، ضيفا ببرنامج أسرار النجوم مع الإعلامية إنجي علي، المذاع عبر إذاعة نجوم FM، وتحدث السقا خلال البرنامج عن حقيقة طلاقه من زوجته مها الصغير، بجانب كشفه كواليس تعرضه لوعكة صحية شديدة أثناء تصوير مسلسل جولة أخيرة، والذي عرض ضمن موسم مسلسلات شتاء 2024.

ونستعرض لكم خلال السطور التالية أبرز تصريحات أحمد السقا، كما يأتي:

أبرز تصريحات أحمد السقا مع أسرار النجوم

• في آخر مسلسل جولة أخيرة فقدت الوعي وفوقوني وروحت المستشفى وعرفت إني مصاب بتسمم في الدم والمرارة باظت وجالي انسداد في المجرى المراري.
• فضلت 3 شهور وأنا مش عارف، وكنت هموت فعلا والموت علينا حق مش شر زي ما البعض بيقول.
• وقت عرض فيلم تيمور وشفيقة، أحد المسؤولين أكد لي إن كلية الشرطة خدت أعلى نسبة تقديم في نفس سنة العرض.
• فيلم السرب عمل للتاريخ مثل فيلم الرصاصة لا تزال في جيبي.
• أنا متجوز ومطلقناش وكل الكلام اللي بيتقال غير حقيقي، ولو لا قدر الله حصل كل الناس هتعرف.
• موضوع الشائعات ده مش جديد دا بيتقال من 17 سنة، ومعرفش ليه بيتقال كدا.
• أي بيت فيه مشاكل عادي، ولو كان فيه مرحلة في حياتي هوثقها هيبقى اليوم اللي اتجوزت فيه وأنجبت 3 شباب، ونفسي فعلا أوثق المرحلة دي.
• ليا شرف أني وقفت أمام الفنان أحمد زكي في مشهد واحد معه في فيلم أيام السادات، وعملي كضيف شرف هو إضافة ولا أخجل منه إطلاقا.
• لسه عامل مؤخرا مشهد مع أحمد فهمي في فيلمه الجديد وأحضرت له حصانين من عندي وكان في الصحراء وسيكون فيلمًا رائعًا.