الخميس 16/مايو/2024 - 08:28 م
شيعت منذ قليل، جنازة زوجة المطرب أحمد عدوية من مسجد السيدة نفيسة، وعقب أداء صلاة الجنازة تحركت الأسرة بالجثمان للدفن بمثواه الأخير، في مقابر العائلة، وتغيب عن حضور الجنازة زوجها المطرب أحمد عدوية في ظل انهيار نجله المطرب محمد عدوية وأسرة زوجته الراحلة.
دفن جثمان زوجة أحمد عدوية
ودفنت منذ قليل، زوجة الفنان أحمد عدوية بمقابر الأسرة، وسط حضور مجموعة من أسرتها ومحبيها، الذين حرصوا على إلقاء النظرة الأخيرة عليها قبل لحظات من دفنها.
أحمد عدوية وزوجته الراحلة
ومن ناحية أخرى، سبق وتحدثت زوجة الفنان أحمد عدوية، في تصريحات تليفزيونية سابقة لها عن قصة حبها وزوجها من عدوية، وقالت: تزوجت أحمد في بدايته الفنية كنت طالعة من المدرسة وهو ماشي بالعربية، وكان يعرف والدي رحمه الله عليه وقعد يشاورلي وقالي تعالى أوصلك قلتله لا مينفعش، لما فضل يقولي أنا أعرف باباكي هوصلك لحد أول الشارع قولتله لا أول الشارع ولا آخره أخد بعضه ومشي وبعدها لقيته عندنا بيطلبني رسمي من والدي وقاله إنه عايزني وعاوز يرتبط بيا رسمي، والدي قاله إني صغيرة في السن، لأني كنت لسة في المرحلة الإعدادية، قال لأبويا ليك عليا أنها تكمل دراستها ومش همنعها من التعليم، بس عاوز نكمل مشوارنا مع بعض فطلب منه والدي منحه مهلة للتفكير، وبالفعل حصل وشاورني والدي قالي أحمد عدوية طلبك مني، قلتله اللي أنت شايفه وكنت صغيرة ومكنش ليا رأي ووافق.
0 تعليق