03:10 م الإثنين 13 مايو 2024

البحيرة - أحمد نصرة:

يعاني أهالي محافظة البحيرة من ظاهرة انتشار المكبرات الصوتية من قبل الباعة الجائلين، وتنافسهم على رفع أصواتها بشكل مبالغ، الأمر الذي يزعجهم داخل منازلهم.

بدوره عبر المواطن رمضان خضر عن انزعاجه من هذه الظاهرة قائلا: "زمان كان البياع بيستخدم صوته العادي، وبيميزه بطريقة النداء على بضاعته، عمرنا ما حسينا بإزعاج زي اللي بيحصل دلوقتي بسبب الميكروفونات.. بالعكس كان فيه بعض البياعين بنستنى يمروا من تحت بيتنا من جمال صوتهم وحلاوته".

لم يختلف الأمر بالنسبة للمواطن، إبراهيم سراج الذي قال: "اللي بيحصل من الباعة الجائلين حاجة لا تحتمل، دول بقوا عرض متواصل على مدار اليوم.. و مايفرقش معاهم صبح ولا ليل".

من جانبه أشارت المواطنة "أم منة"، إلى أن مكبرات صوت الباعة الجائلين كانت سببًا فى بيع شقتها والانتقال إلى أخرى، قائلة: " كنت أسكن في الدور الأول والبياعين واخدينا ورديات واحد رايح والثاني جاي، و الميكروفونات مزعجة وكأنها معانا في الشقة، ساعة ما حد بيعدي بيها، علشان كدة بعت شقتي وانتقلت لأخرى في الدور التاسع، ورغم كدة صوتهم بيوصل برضه".

فى المقابل يدافع "منصور" - بائع متجول عن استخدامه مكبرات الصوت العالية قائلًا: " الناس زعلانة من دقيقة بنعدي فيها، ده أكل عيشنا.. الناس اللي ساكنة في الأدوار العالية هتسمعنا إزاي.. وبعدين هي جات علينا، ما كل حاجة حوالينا دوشة".

وتنظم الوحدات المحلية لمدن ومراكز البحيرة، حملات بين الحين والآخر للتصدي لمخالفات استخدام المكبرات الصوتية، كان آخرها الوحدة المحلية لمركز ومدينة إدكو، التي أعلن المركز الإعلامي التابع لها مصادرة عددا من المكبرات الصوتية، بيد أن المواطنين لا يرونه تلك الحملات كافية، ويطالبون بتكثيفها وتغليظ عقوبات استخدام المكبرات، حيث تقول المواطنة "منى محمود": "الحملات لازم تكون مستمرة والعقوبات قوية ومفعلة عشان أي بياع يفكر ألف مرة قبل ما يستخدم ميكروفون يزعج بيه الناس".